藍象泰國餐廳 (已結業)

今日同best friend 去海港城行街，行到餓餓地，就上OpenRice 睇下有乜食，見到有間泰國菜餐廳唔貴環境又ok 仲有海景睇！入到去暗暗地透點藍光，氣氛唔錯！我叫左個生菜包肉碎，肉碎炒得粒粒均衡，辣中帶點甜味，生菜好新鮮，片片切成圓圓的手掌size 又清甜！小食拼盤-泰式沙嗲雞/豬串 泰式沙嗲醬汁惹味，帶點花生香，肉質燒得唔乾身juicy !-炸蝦餅 蝦餅炸得金黃香脆又不油，仲食到蝦肉既質感，點埋甜辣醬好味！最後仲叫左個香辣金不換豬頸肉炒飯，個炒飯炒得十分有鑊氣好惹味，豬頸肉分量都好多，炒飯醬汁帶點甜味，好開胃！如果係尖沙咀想食泰國菜 我絕對推介呢度。