藍象泰國餐廳 (已結業)

平日晚上去到尖沙咀海港城入面嘅藍象餐廳食飯，去到好驚喜，因為入邊有好多位置都會望到海景。而且位置寬躺，可以同朋友慢慢傾計食泰國菜。以海港城來講，價錢都非常之合理。我哋二人叫咗四樣菜色，埋單大約係$600左右。首先上嘅係椰奶青檸汁帶子沙律，非常足料，帶子既新鮮又多。仲有薄荷、芫荽，份外開胃。跟住就有炭燒豬頸肉配泰式香草辣汁，豬頸肉肉質鬆軟，烤得剛剛好，加上泰式辣汁，唔會太滯。主食就叫咗菠蘿雞肉炒飯，份量非常之多，有好多菠蘿肉、提子乾、腰果，好正宗。最後叫咗甜品—黑白糯米飯配泰國芒果，非常推介呢一個甜品。糯米飯整到細細舊好似壽司咁，分量剛剛好，仲有朱古力雪糕。