飲品揀咗熱桂圓雪梨茶同熱檸檬薏米水
桂圓雪梨茶
* 呢杯茶好滋潤，有淡淡桂圓肉同雪梨嘅清甜，飲完即刻覺得暖笠笠，係一個舒服嘅開場
檸檬薏米水
* 比較清爽，微酸帶有薏米香，食濃味菜式時飲，幾解膩。
🌟必點滬式招牌菜推介！
桂花黑醋小排骨 - $85 必試推介！💯
呢個排骨真係做得好有水準！佢唔單止炸得酥脆，個黑醋汁調味非常平衡，甜酸度拿捏得好好，完全唔會死甜或過酸。最特別係有桂花嘅香味滲入去，食落帶有清幽嘅花香，將排骨嘅油膩感中和咗
麻婆安格斯牛肉豆腐- $138 夠麻夠香！🌶️
麻婆豆腐係我哋嘅心水菜式。佢用咗安格斯牛肉粒，令到豆腐唔只得鮮辣味，仲多咗份肉嘅香氣。個汁夠晒濃郁，麻香突出，辣度適中，豆腐非常滑溜，一夾就散，真係好適合配飯！將牛肉粒、豆腐同汁一齊撈飯食，真係好惹味！
油淋淋子雞 (半隻) - $168 皮脆肉嫩！🐔
賣相好吸引，雞皮炸到好乾身金黃。雞肉食得出肉質嫩滑，唔會嚡口，而且份量十足。佢嘅油淋汁係清鮮嗰種，配上蔥花香，食落唔會太重負擔，皮脆肉嫩做得好標準。
黃金蟹粉撈飯 (每位) - $128
鮮味爆燈！👑蟹粉份量非常慷慨。蟹粉撈飯，食嘅就係佢嘅鮮甜濃郁！將蟹肉蟹黃同米飯徹底撈勻，每一粒米都沾滿晒蟹油精華，入口充滿海鮮嘅鮮味同蟹黃嘅甘香
