漁樂 (置富第一城)

营业中

休息中

基本上嚟亲呢度都系食石㶽肥牛汤河，每次见到门口张海南鸡饭Poster都好想试吓，今日终于真系叫咗午餐嘅海南鸡饭。呢度啲海南鸡饭餐系冇汤嘅，不过有跟餐饮，如果唔想饮奶茶咖啡可以试吓佢哋冇柠檬嘅热柠水。有啲似新鲜柠檬汁加热水。我平时都系相机先食，今日可能系太饿，食咗一旧鸡先发现未影相，砌返靓先影🤣。一旧鸡加多一啖饭已经觉得好味到唔可以唔写review。啲香饭真系好香、好好味，平时食少饭嘅我都食咗大半碗。😅啲鸡更加系滑到令我呢个一向去皮食嘅人，都忍唔住有几旧连皮食。🤣🤣😋😋佢哋𠮶兜绿色嘅酱汁酸酸哋几开胃。重点：鸡皮薄、唔会有一层肥膏，我好少会影食到一半嘅嘢，不过今日都再攞手机出嚟影番咗张「薄皮滑鸡」相。🤣🤣冇谂过佢哋啲海南鸡咁正😋😋😋，以后唔使净系食石㶽肥牛汤河啦！🤣其实我见到佢哋有海南鸡下午茶餐$42。轻量海南鸡，香茅油饭 配碗仔翅加红豆冰。不过因为我唔钟意碗仔翅同红豆冰，所以冇叫到。如果你好似我咁热爱海南鸡饭，可以嚟试吓。