瓊媽媽 (書局街)

营业中

休息中

今日睇到面书介绍海南鸡既铺头，男朋友话不如试下依间，因为湾仔果间佢食过，咁就特登放工过黎食。铺仔细细，主打都系「鸡」，但有唔同整法唔只系得海南鸡饭、仲有口水鸡、沙姜鸡、霸王鸡等。男朋友叫左无骨海南鸡饭，我谂谂下突然想食沙姜鸡就叫个菜饭底。依度要一赞饭底都有几款选择唔错！买左飞好快就有得食，我果个系无汤既，男朋友果个有，佢话几好饮㖞！我又试下、系屋企既味道。因为我屋企又系好中意煲青红萝卜汤，几甜几好饮。沙姜鸡无乜沙姜粉，但估唔到味道又ok够㖞！而且惊喜既系d鸡真系好滑！一d都唔干唔难口，份量都几好下，绝对系抵食既！我觉得佢依度系鸡既新鲜程度取胜，反而海南鸡/沙姜鸡既酱汁就失色左少少。但系性价比黎讲绝对合理可以一试！唯一系佢全部用外卖盒要扣分。