帝樂 - 德國餐廳 (美利樓) (已結業)

第一次帮衬 King Ludwig Beerhall 系两年前，印象深印！今次再帮衬，当年记忆犹新.....浪漫气氛仍旧无变，变嘅相信系我自己了.....希望食品无变！首先，不得不点名菜德国咸猪手，另外再点海鲜菠菜忌廉汤，忌廉薯仔汤，农夫包配鹅肝酱，头盘挪威海鲜拼盘，洋葱烟肉菠菜焗蚝，甜品火焰雪山。未上枱都知食唔哂！农夫包以为 size 好大，其实约拳头呎吋咁上下，size 啱啱好，怕太大食唔哂。两个忌廉汤都好浓，味道重咗少少，可能系德国风味吧！反而头盘个沙律有惊喜！味道唔会太浓，而且造型精致，窝心！德国咸猪手首先俾我嘅感觉系肉，肉，同埋肉！好多肉！但肉质一般，食唔出肉味，猪手皮脆但厚身咗，可能又系德国风味吧！焗蚝出色，有洋葱同烟肉一齐食，味道唔会太咸，食到哩到已经饱到顶肚，重有个甜品未到.....火焰雪山上枱时会点著个火，好靓！味道虽然甜咗少少，但食上去质感好正！外表幼滑，内里有d沙糖嘅质感，正！啱我胃口！𠵱呀！唔记得影环境相添！最后，生日快乐！