影片
更多
2025-07-09
112 浏览
位於灣仔的法國菜餐廳，屹立十年，適合打卡約會或者慶祝。雖然是主打法國菜式，但帶有少少港式風味，加入了港式醬汁作調味。是晚點了個set dinner，每人$780，有前菜、主菜同甜品。前菜牛肉Tartare鹿兒島A4和牛他他，搭配了鵪鶉蛋和少量魚子醬。最估唔到係加上了少少沙嗲汁。平時食它它有時會配上麻油，估唔到配上沙嗲汁都可以咁夾。前菜Langoustine將墨魚切成條狀，口感煙韌彈牙，再配上蝦醬，即時帶來不少香氣。仲有scampi，蝦肉煎得香口，又十分厚實。Main Horsehead Fish比較日式一點的煮法，採用立鱗燒，魚肉是結實的馬頭魚，再淋上白酒牛油汁。魚鱗煎得金黃香脆，魚肉大塊，要同朋友share。Main "Wagyu" Wellington平時食開蘑菇醬或芥苿，今次餐廳用上港式醬汁柱侯醬作醬汁，金黃酥皮包住大大舊牛肩肉，酥皮香口，牛肉軟稔，煮得恰到好處。最後餐廳的甜品亦都相當吸引，French toast超級鬆軟，多士塗上花生醬成為奶醬多，配有奶茶雪糕。泡芙加上菠蘿皮，夾住朱古力雪糕，有多重口感。
位於灣仔的法國菜餐廳，屹立十年，適合打卡約會或者慶祝。雖然是主打法國菜式，但帶有少少港式風味，加入了港式醬汁作調味。是晚點了個set dinner，每人$780，有前菜、主菜同甜品。
前菜牛肉Tartare
鹿兒島A4和牛他他，搭配了鵪鶉蛋和少量魚子醬。最估唔到係加上了少少沙嗲汁。平時食它它有時會配上麻油，估唔到配上沙嗲汁都可以咁夾。
前菜Langoustine
將墨魚切成條狀，口感煙韌彈牙，再配上蝦醬，即時帶來不少香氣。仲有scampi，蝦肉煎得香口，又十分厚實。
Main Horsehead Fish
比較日式一點的煮法，採用立鱗燒，魚肉是結實的馬頭魚，再淋上白酒牛油汁。魚鱗煎得金黃香脆，魚肉大塊，要同朋友share。
Main "Wagyu" Wellington
平時食開蘑菇醬或芥苿，今次餐廳用上港式醬汁柱侯醬作醬汁，金黃酥皮包住大大舊牛肩肉，酥皮香口，牛肉軟稔，煮得恰到好處。
最後餐廳的甜品亦都相當吸引，French toast超級鬆軟，多士塗上花生醬成為奶醬多，配有奶茶雪糕。
泡芙加上菠蘿皮，夾住朱古力雪糕，有多重口感。
张贴
