1）豉椒炒蜆
唔記得係蜆定花甲，炒得好野味 。乾淨無沙 。
2）龍如脆腩
唔記得咗係咪呢個名不過朋友點名話要試佢哋嘅魚腩，我本身麻麻食魚，但係佢整得好香口，連骨都可以食埋 。
3）薑蔥花蟹
整體嚟講佢啲海鮮都好新鮮，唔係水蟹，啲肉都好實淨 。
4）清蒸陳皮鮑魚
唔係南非鮑，肉質都軟熟同滑 。
5）椒鹽瀨尿蝦
佢地加左大量洋蔥，又幾好食，調味又唔會過咸 。
6）腐乳炒通菜，正常一個炒菜 。
本身想點埋佢地豆腐滾湯，不過佢哋當日話豆腐變壞咗所以無緣佢地滾湯 。其實豆腐好容易係出面臨急買到，但係佢地都寧願唔做，相信佢哋對品質都抱有要求 。
