影片
更多
2018-08-08
203 浏览
我未試過食越南錦麗，不過我相信好食既去到邊都會得人欣賞既。當錦麗響apm開果陣，我都排過一陣去食，當時覺得係不錯但又未去到人地講超好味既地步，心諗可能自己食得少所以覺得無謂comment，但之後香港越開越多唔同小店，食得多左自不然開始有少少要求。(不過我覺得十幾年前我響澳洲食既，香港到而家都仲未有店可以追到個水準。)好啦，話說去銅鑼灣行街，癮起想食碗Pho，但又冇新店，見錦麗響世貿開左就去再試下，以為唔駛點排啦，點知都要第3-4張枱先有位，果然仲係幾hit喎。坐低就叫左綜合牛肉粉，上之前俾左啲青檸同芽菜和香草，但可能擺耐左，啲芽菜望落少霉。碗粉黎到見個賣相好好，湯係ok既但飲落感覺似係味精湯，最出事係啲河粉一夾上黎係一餅野，未煮散，我估啲河粉因時間關係一早煮好，一有order就倒個湯落去？所以個湯都好快就涼左.... 肉量係多既，牛丸牛肉味道普通，成件事比我果陣去佢apm店初開果陣退步左好多。另點左個炸春卷，又係出事，個肉餡冇咩味，但最大問題係佢唔脆，淋哂，咁點得呢？個粉又煮定個炸春卷又好明顯炸左好耐，咁真係好失望。最好食係個牛油雞翼，個雞翼牛油味香又炸到外脆但內裡仲嫩肉多汁，叫成餐飯
當錦麗響apm開果陣，我都排過一陣去食，當時覺得係不錯但又未去到人地講超好味既地步，心諗可能自己食得少所以覺得無謂comment，但之後香港越開越多唔同小店，食得多左自不然開始有少少要求。
(不過我覺得十幾年前我響澳洲食既，香港到而家都仲未有店可以追到個水準。)
好啦，話說去銅鑼灣行街，癮起想食碗Pho，但又冇新店，見錦麗響世貿開左就去再試下，以為唔駛點排啦，點知都要第3-4張枱先有位，果然仲係幾hit喎。
錦麗綜合粉
22 浏览
0 赞好
0 留言
坐低就叫左綜合牛肉粉，上之前俾左啲青檸同芽菜和香草，但可能擺耐左，啲芽菜望落少霉。碗粉黎到見個賣相好好，湯係ok既但飲落感覺似係味精湯，最出事係啲河粉一夾上黎係一餅野，未煮散，我估啲河粉因時間關係一早煮好，一有order就倒個湯落去？所以個湯都好快就涼左.... 肉量係多既，牛丸牛肉味道普通，成件事比我果陣去佢apm店初開果陣退步左好多。
越式炸春卷
16 浏览
0 赞好
0 留言
另點左個炸春卷，又係出事，個肉餡冇咩味，但最大問題係佢唔脆，淋哂，咁點得呢？個粉又煮定個炸春卷又好明顯炸左好耐，咁真係好失望。
法式牛油雞翼
21 浏览
0 赞好
0 留言
最好食係個牛油雞翼，個雞翼牛油味香又炸到外脆但內裡仲嫩肉多汁，叫成餐飯有番個安慰。
有機會好想去越南試一次正宗錦麗，我估質素應該完全不同掛？
张贴
