津津好好味

最近越來越鍾意食辣，今日lunch就行遠少少，沿着長沙灣道一直向太子方向行，就嚟到呢一間津津好好味。

好簡單嘅一間四川風味麵店，選擇不太多，因為都係用心做最招牌拿手的幾款食品。

2

阿姐級店員用佢一雙摩打手不斷喺度包雲吞，所以貨源源源不絕。

揀咗兩款招牌菜試吓，其中一個係涼麵。所謂涼麵，其實就係拉麵凍食，灑上辣油、花生碎、芝麻、芫荽等，然後就撈勻食。

涼麵(大)

$20

雲吞細細隻，大碗$32有20隻雲吞，同樣地雲吞湯底都會加入辣油、芝麻同芫荽，呢個雲吞我就覺得好正，其實我有信心自己可以一口氣食晒20隻雲吞，哈哈！

雲吞(大)

$32

為咗解辣，所以叫咗凍豆漿，一黑一白，各有風味。

豆漿

$7