津津好好味

太子呢邊其實有好多🥟餃子/雲吞鋪頭，就好似呢間津津咁，佢以前係喺砵蘭街嗰邊(以前叫做 津津好金の味)，我印象中果陣時係無坐位嘅，只做外賣，而家搬咗去長沙灣道，仲有得坐住食啊！！👍🏻

但搬左舖之後都無黎食過啦，而最近喺附近返工所以特登過黎回味下～

1

👇🏻門面已經貼哂餐牌係度，有雲吞、涼麵、酸辣粉等等，全部都係重慶風味🌶🌶除咗熟食，仲可以買生雲吞返屋企煮添👍🏻😆

今次叫咗細碗餛飩(小辣)，有十二粒🥣呢個份量女仔應該差唔多，男仔既話最好加多碗涼麵/酸辣粉，又或者食大碗雲吞/雲吞麵😹

雲吞(細)

$21

雲吞湯底可以揀辣度，唔係好食得辣又想惹味啲，可以揀小辣😆佢辣得黎有啲麻，每次都有想飲晒碗湯底嘅衝動😹而啲雲吞細細粒，可以一啖一粒🥣雲吞皮唔厚而且都算滑，好似金魚尾嘅包法，餡料(豬肉、黑木耳)份量都算多，唔會好似有啲鋪頭食落大部分都係皮～所以可以話係皮薄餡靚👍🏻