阿來東南亞風味 (已結業)

旺角餐厅咩菜式都有，去左尼间食泰菜既餐厅，装修有d似茶餐厅feel，但系食物质素拍得住泰菜既香辣，以及甜。2个人食叫左咖哩软壳蟹火山包($138)，泰式鲜虾炒金边粉($58)，泰式卤猪脾肉例牌($68)，椰青($35)。食物5分钟已经送上枱，猪脾肉既猪皮同猪肉比例大约2:3，以为猪皮会好腻，平时我唔会特登食，但尼到既猪皮弹牙，食落口充满骨胶原，而且炆得入味。而肉方面，猪脾肉质系"林"，唔会煮到"鞋"哂。而且一碟有成10件，底下附送几条菜心，半只蛋，酸菜，抵食好味。钟意辣既朋友，可以醮d酸辣酱，令猪肉味更浓。软壳蟹有2只，已经帮你切开成4件。炸粉够薄，所以唔会腻同济。而且仲有少少蟹膏添，非常惊喜。而咖哩方面，我个人接受到佢既微辣，佢既辣系一开头唔觉，但食食下辣味就会出。相对其他餐厅，佢既辣唔算辣，所以尼间餐厅既咖哩愈食愈过瘾。加上，佢系咖哩入面加左蛋，所以个咖哩系有蛋浆块(唔识容易)，唔系单调既稠身咖哩。另外加入洋葱，西芹煮香咖哩。而炒金边粉除左有虾，蛋，另外餐厅加入豆干，红色虾仔干，仲有花生碎，食落口有几种层次。先系甜甜地既味，然后系甜虾仔，之后有花生碎就脆脆地香口。虾够爽，用油泡一泡