更多
2021-04-16
3539 浏览
由于疫情好转咗,而且打定输数今年都冇得去泰国,咁我同朋友就去咗间泰国餐厅到食晚饭,以慰藉我空虚及想念泰国的心情, 入到去见到啲装修都几有泰国feel,都感到安慰,咁我同朋友就叫咗以下:凤爪沙律: 其实呢个凤爪沙律我最钟意就系食凤爪,因为凤爪都几爽口,而且酸酸辣辣咁样,零舍开胃,以餐前小食嚟讲真系唔错。 顺带一提佢呢个凤爪我觉得就唔算太辣有三成系辣,七成就酸酸味味咁样如果钟意食酸辣嘢嘅朋友可以试下。泰式青咖哩软壳蟹:咁佢呢个蟹包埋法包,我最爱食嘅软壳蟹,只蟹都叫大,软壳蟹亦炸得脆, 唔似其他餐厅的软壳蟹细细只咁,食到到喉唔到肺, 同埋个咖哩都几香,不过我就唔系太食到有辣味,但呢个青咖哩软壳蟹overall嚟讲我觉得都几好食。 而且有埋个法包都几饱肚嘅。泰式去骨海南鸡: 呢个系朋友叫的海南鸡其实我自己觉得佢个鸡都几鲜嫩,同埋都食到鸡肉嘅鲜味, 同埋都去晒骨畀我哋食 , 而我最钟意就系食鸡皮因为鸡皮都几滑 。大家最重要就系要点佢啲酱,我自己个人认为点酱就好味D。 咁我觉得叫半只鸡都够两个人食㗎啦,因为如果叫例牌好似少咗啲。冬阴功汤粉: 最后我哋叫埋呢个冬阴功汤粉食,因为我朋友钟意饮冬阴功汤,
凤爪沙律: 其实呢个凤爪沙律我最钟意就系食凤爪,因为凤爪都几爽口,而且酸酸辣辣咁样,零舍开胃,以餐前小食嚟讲真系唔错。 顺带一提佢呢个凤爪我觉得就唔算太辣有三成系辣,七成就酸酸味味咁样如果钟意食酸辣嘢嘅朋友可以试下。
泰式青咖哩软壳蟹:咁佢呢个蟹包埋法包,我最爱食嘅软壳蟹,只蟹都叫大,软壳蟹亦炸得脆, 唔似其他餐厅的软壳蟹细细只咁,食到到喉唔到肺, 同埋个咖哩都几香,不过我就唔系太食到有辣味,但呢个青咖哩软壳蟹overall嚟讲我觉得都几好食。 而且有埋个法包都几饱肚嘅。
泰式去骨海南鸡: 呢个系朋友叫的海南鸡其实我自己觉得佢个鸡都几鲜嫩,同埋都食到鸡肉嘅鲜味, 同埋都去晒骨畀我哋食 , 而我最钟意就系食鸡皮因为鸡皮都几滑 。大家最重要就系要点佢啲酱,我自己个人认为点酱就好味D。 咁我觉得叫半只鸡都够两个人食㗎啦,因为如果叫例牌好似少咗啲。
冬阴功汤粉: 最后我哋叫埋呢个冬阴功汤粉食,因为我朋友钟意饮冬阴功汤,所以我哋叫咗呢个河粉,其实呢个河粉都ok嘅,咁入面就有啲虾喺度,咁令到成个汤都冇咁斋,同埋有啲菇类喺度,不过呢个汤我觉得都ok辣嘅,系可以接受到!
最后我觉得呢间餐厅啲嘢嘅水准都ok嘅,如果行过尖沙咀the one嘅朋友,可以试下呢间泰式餐厅。
张贴