位於尖沙咀既亞士厘道，呢條街有唔少餐廳，我地揀左食泰國菜既Asok Thai Garden😎
門口望入去，好優閒渡假風，門口位置重有榻榻米 ，感覺好舒適！
我地點左兩個lunch set，可以半價轉飲泰式奶茶，奶茶完全就係泰國既味道，好香濃既茶香，但又無泰國飲既咁甜！
最正係佢無冰樽裝，另外再比杯冰，咁就唔洗擔心越飲越淡👍
跟餐重有柚子沙律/冬蔭公湯
冬蔭公偏酸一點，帶少少辣，好開胃醒神
另外lunch set加$25甜品有芒果糯米飯，雖然只係$25，但誠意十足，上枱個糯米飯暖笠笠，好軟熟綿滑，椰汁香濃，正！
主菜揀左羅望子脆魚柳金不換意大利飯及魷魚墨汁意粉。
一上枱，兩款顏色顏色相影成脆🤣望落又綠色又黑色，但味道不受外表影響😋
環境舒適、服務好，過左午市人流無咁多，坐了很久也沒有被驅趕
絕對適合傾計相聚
