今次就同朋友嚟食木船～
平日嘅夜晚人唔多 可以慢慢食慢慢傾😛
晚市都有做定食！價錢都好實惠
選擇都好多 由泰菜到港式茶記menu都有
不過就無我食泰菜必叫嘅padthai🥲
一上枱個陣嚇親 勁大碗！
個碗有成個頭咁大 仲好足料
幾欣賞冬蔭公湯底 辣度適中會想追住飲🤣
啲蝦都幾鮮甜爽口 河粉入味得黎都唔會浸到好腍👍🏻
仲有好多菇同肉碎做配料 都豐富咗個湯嘅味道
都幾推薦呢個粉 而份量都真係大到可以兩個人食🤣
主食以外 呢個套餐仲包咗三款小食 湯 同飲品
湯我就揀咗肉丸扎肉鮮雞湯
味道偏清淡 我會覺得冬蔭公出色啲😛
小食佢就送咗雞卷 涼拌木耳 朱古力蛋糕
雞卷幾好食 涼拌木耳正正可以開下胃
朱古力蛋糕就一般🤣
————————————————————————
總結
食物質素都唔錯👍🏻👍🏻
而且價錢唔貴 份量又多 包埋小食
仲免收加一！絕對係抵食之選🤤
一定會再去支持💛🤣
