YOLO (已結業)

今日同老公嚟将军澳食饭，装修环境系几清新嘅Cafe～ 呢间新都城嘅泰式餐厅有个睇落几抵食嘅二人餐，二百几蚊，份量都几大碟，而且上菜速度非常快，多到放满左张枱～ 大头虾冬荫功汤好正宗的冬阴功嘅酸辣味，好开胃～ 里面材料都几丰富，有大头虾、洋葱、香菇～泰式烧烤拼盘(细）拼盘丰富，包括咸蛋黄单骨鸡翼4件、鸡肉 1串、猪肉1串、蕃茄、泰式酸辣肉肠、泰式沙律～ 鸡翼炸得几香脆，有少少咸蛋黄味～ 泰式酸辣肉肠几特别，口感有啲似扎肉，酸酸辣辣几开胃～ 泰香马沙文咖喱鸡马沙文咖哩系其中一款泰式咖喱，味道较香甜，完全唔辣～ 配埋白饭或印度薄饼都好夹～马拉盏炒通菜通菜份量都几多～ 加入马拉盏，虾米，香蒜，辣椒等等配料好香好惹味，热辣辣好有镬气～ 泰式奶茶/ 泰式奶绿卖相几吸引上面打咗层奶泡～ 泰式奶茶奶味比较重，系传统泰式饮品风味～ 个人比较钟意泰式奶绿，绿茶味好香～+$20 炸虾春卷春卷炸得好香脆，里面真系有原只虾喺度～ +$20 泰式烧猪颈肉好抵食好大碟～ 猪颈肉唔会好肥腻，肉质爽脆，配上泰式酸辣汁几惹味～