泰小子 (已結業)

大西北人又要出動去試試佢，今次唔試紫薯，試試傳統啲嘅嘢，加上小朋友最鍾意嘅棉花糖。香蕉煎餅真係最好食嘅煎餅，傳統味道冇得輸，最鍾意食香蕉嘅我真係覺得好好食，一定要即刻食，先係最好味嘅時刻。加上棉花糖有少少熱嘅感覺嘅時候，可以做到拉嘅感覺，好治療。Oreo 鮮奶麻薯，想當年要食麻薯要去到台灣，特登去到九份食，而家喺香港都有得食，加埋Oreo一齊食既感覺特別新奇。記得又係一定要熱食先好食。粒粒麻薯oreo厚鮮乳$32佢唔會話好甜，淡淡的Oreo味，小朋友都飲得，BB話好好飲，偷偷地飲完一啖又一啖。依然最鍾意食佢嘅香蕉煎餅，即叫即做所以要等，但抵佢咁多人幫襯。