新泰東南亞餐廳 (已結業)

好耐冇見過班中同，今日特登約佢地係灣仔食，見呢間幾多好評就揀咗呢間東南亞餐廳（都算係我地嘅回憶黎嘅！）餐廳係2樓，一上黎就好似去咗傳統泰國地方咁，好有泰國特色！啲侍應都著晒泰國服飾，（仲有靚仔小鮮肉睇🤤🤤）好多客人，好熱鬧。 有啲位仲係類似「帳篷」嘅設計，好有feel!我地就坐咗係靠窗嘅位，有得睇路景Menu上有好多選擇，我地都搞咗一大輪，先決定到嗌啲咩⋯⋯東南亞餐廳，我一定會嗌椰青水我覺得好fresh，而且都幾大個，唔洗就住就住飲。木瓜沙律好新鮮，又唔會太辣，啱我口味，我好鍾意食木瓜沙律，所以可以大兜啲就好啦蜜汁肋骨好香，又夠熱，好入味得黎又有肉汁，唔會好乾。個汁除咗辣，加咗檸檬汁葉，所以酸酸地之餘仲有陣陣檸檬香。整體味道溫和（少數偏甜），如果唔鍾意太辣嘅人都係一個好好嘅選擇。