篤篤車 (已搬遷) 新店位置

港式車仔麵就食得多，但配合冬蔭功湯同新穎嘅泰式鱷魚湯底，都係第一次，帶俾味覺新沖擊。套餐夠晒抵食，62蚊包3餸麵、小食（大）同菜，飲品另外加幾蚊，好豐盛嘅一餐！我朋友點了冬蔭功湯底，味道帶少少酸，好多香菜喺面。食車仔麵配料最重要係吸湯，或者本身夠味，呢度必點金錢肚、豆卜同冬菇。（當晚豬腸同蘿白賣哂，否則必點！）金錢肚被滷水入晒味，味道偏甜。除咗惹味湯底，仲有媽咪嘅中湯系列—鱷魚肉湯底，加入紅棗呀杞子，食落好補好有膠質嘅味道。建議唔好加辣，否則把清甜嘅味道蓋過。話個餐包埋有營蔬菜，配搭都幾特別，叫咗馬拉盞芥蘭，芥蘭好juicy帶埋啲咸香都幾惹味。