泰灜

营业中

休息中

由於住喺附近，所以經常嚟呢度食午餐，晚餐反而就未試過，搵日都要試一試。五一勞動節嚟呢度食，因為唔使返工，所以午餐唔多人食，平時就好多打工仔。因為無乜人，我同男朋友就安排坐卡位。本身坐係風口位，店員好好，安排我坐其他位置。我叫咗個香葉肉碎炒河，男朋友叫左個燒豬頸肉飯。先講講個炒河，其實我次次黎親都叫呢個，因為真係好惹味，好有鑊氣。河粉同出面食嘅有啲唔同，佢係大塊啲、薄身啲同滑啲，加埋d肉碎、香料、蔬菜去炒好好食。至於個燒豬頸肉飯，佢會配埋個冬瓜湯，但冬瓜湯偏鹹似落咗味精，同埋佢個汁啲味道較為複雜，但係燒豬頸肉係好食嘅，好香口。