芭堤雅小廚

营业中

休息中

大尾篤玩完水，附近搵地方晚餐，見到呢間舖頭裝修企理，餐牌吸引就入去食。泰國嘢基本上唔會差得去邊，最鐘意啲酸辣爽既美食泰式燒豬頸肉 4.5/5好食，燒得好香，又唔會太乾，配上辣醬食一流。泰式雞肉生菜包 4/5生菜新鮮，雞肉碎份量足夠，由芫荽洋蔥炒乾而成。泰式醉貓豬肉炒河 4.5/5原本以為係肉片，但原來係肉碎，炒得好香，有穫氣，嗰啲豆粒清爽甘甜，寬河粉又爽又滑，辣得過嚟。馬拉盞炒通菜 3/5食泰菜必叫既通菜，煮得太淋，唔夠爽脆，但都好食。芭堤雅煎蠔餅 3/5一上菜就好香既蛋味，但無乜蠔，最好快啲食，凍左就會腥。地理:對面就係泊車咪錶位，方便渣車人士，始終呢到大尾篤得巴士小巴入嚟，好少可突登入嚟食呢啲。環境:乾淨企理，5點半入座，未有太多客人，坐得舒服。價錢:每人160蚊食到呢啲質素算係咁，性價比高，本身以為會比人當遊客咁劏。服務:上菜快，細心，會同客人講咩菜會辣。