神虎麺商店

营业中

休息中

第一次寫食評，因為食到真係嬲，要分享一下。當晚叫左一碗沾麵，沾麵既湯，第一啖就覺得有魚味，但真係好咸，試真啲試多一啖，搞唔掂…覺得咸到食唔到落去，同店員反映，佢一副懶理，愛理不理既態度：「咁你想點？」，後面再有位員工廚房出黎，佢話：「沾麵就係咁咸架啦。」之後同佢再三講咗幾次，佢仲話唔咸掛唔到麵，就唔係沾麵。最後先比咗湯加落去，但即使係加湯，咸度都不減。口味既野各人不一，唔介意你間野主打口味重或者偏濃味，但唔洗一副教訓個客既態度，先承認你既湯底會偏咸，再提出解決方法，簡單的處理都做唔到，講「沾麵唔咸就唔係沾麵」「沾麵係咁架啦」，就咁當人完全無食過沾麵咁，係唔會解決到顧客既不滿，真心無下次。