影片
更多
2015-11-04
443 浏览
約左好姊妹出銅鑼灣行街街，難得出嚟就當然要食埋晚餐啦，正當我地諗緊食乜時，好姊妹就話帶我去試新嘢，就係去食沾麵啦~其實我都真係幾大鄉理，因為之前都真係未聽過沾麵，所以就帶住一個好奇心態嚟食啦~原來都有好詳細嘅沾麵教學，啱晒我依個初哥，有圖睇住就唔會食錯啦~先嚟我嘅海膽沾麵，店員一送到枱時，真係忍唔住"嘩"左一大聲，因為真係好豐富，4片厚厚海膽，加上大大粒魚子，單睇賣相都已經勁吸引呀~湯底就比較濃味，但一啖啖咁將彈牙嘅麵條浸入湯中再食，又味道又真係唔錯哦~ 另外，原來我地加多$20，就可以利用剩下湯底成為一個日式芝士雜炊。既然試新嘢，雖然食晒整碗麵都好飽，但都試下啦。其實味道都唔錯，個芝士味都好澴，不過我就覺得湯比較多，感覺有點似粥仔，口感就有少少影響呀~好姊妹嘅名古屋撈麵，賣相都好吸引，餸料都好豐富呀~撈一撈就食得，好姊妹話味道都唔錯，麵質都好煙韌，食落又有少少辣辣地，口感好好呀~我地仲叫左一個小食 - 雞軟骨棒，雞肉唔乾，而且中間夾住啲雞軟骨碎，再配埋芝士醬同芝士粉，口感同味覺都好正，依個真心推介呀~
約左好姊妹出銅鑼灣行街街，難得出嚟就當然要食埋晚餐啦，正當我地諗緊食乜時，好姊妹就話帶我去試新嘢，就係去食沾麵啦~
其實我都真係幾大鄉理，因為之前都真係未聽過沾麵，所以就帶住一個好奇心態嚟食啦~
原來都有好詳細嘅沾麵教學，啱晒我依個初哥，有圖睇住就唔會食錯啦~
先嚟我嘅海膽沾麵，店員一送到枱時，真係忍唔住"嘩"左一大聲，因為真係好豐富，4片厚厚海膽，加上大大粒魚子，單睇賣相都已經勁吸引呀~
湯底就比較濃味，但一啖啖咁將彈牙嘅麵條浸入湯中再食，又味道又真係唔錯哦~
另外，原來我地加多$20，就可以利用剩下湯底成為一個日式芝士雜炊。既然試新嘢，雖然食晒整碗麵都好飽，但都試下啦。其實味道都唔錯，個芝士味都好澴，不過我就覺得湯比較多，感覺有點似粥仔，口感就有少少影響呀~
好姊妹嘅名古屋撈麵，賣相都好吸引，餸料都好豐富呀~
撈一撈就食得，好姊妹話味道都唔錯，麵質都好煙韌，食落又有少少辣辣地，口感好好呀~
我地仲叫左一個小食 - 雞軟骨棒，雞肉唔乾，而且中間夾住啲雞軟骨碎，再配埋芝士醬同芝士粉，口感同味覺都好正，依個真心推介呀~
张贴
