甜水 (已結業)

自從無晚市堂食後已經好少「食完飯去食碗糖水」，依間小店新開張主打中式甜品，去開旺角油麻地食午飯的話可以支持一下～〔推介！〕❝始創金銀燉鮮奶❞ ($35)部份西式甜品係屋企自家製會有種「比出面更啱口味」嘅成功感，但係屋企真係十分之難去複製外面食到嘅燉奶質感同味道。比起軟身流質type，依到嘅燉奶更偏向於「實的的」type，口感嫩滑﹑奶味重，而菜式名稱裡面嘅「金銀」原來係指流心蛋黃！係以蛋白製成嘅燉奶入面食到蛋黃味道，非常特別。〔推介！〕❝桃膠椰汁雪燕❞ ($38)聽個名都知道係行養生路線。用料份量大方，啖啖到食到桃膠同雪燕，唔會只係得椰汁無配料。椰汁味唔算重，清清地特別解渴。雪燕細滑，桃膠清香而有些微嚼勁。聽聞桃膠滋陰養顏補腦護膚乜都得，女士們必嗌之選～𓂃𓈒 𓂂𓏸 甜水 𓏸𓂂 𓈒𓂃 旺角廣華街13號廣輝大廈地下2號舖港鐵油麻地站A2出口，步行約7分鐘抵達每日營業 14:00 - 00:00𓂃𓈒 𓂂𓏸 用餐提示 𓏸𓂂 𓈒𓂃店鋪鋪面大概可以容許10人左右。主打中式甜品嘅鋪頭係想像中比較舊式，但依到鋪面設計感滿滿，以綠色裝飾﹑灰色牆身及深木色系用具為主，無門設計令春天到訪時更見通爽，陽光仲可以