旺記冰室 (大本型) (已結業)

呢個晚上去開油塘呢邊，知道原來大本型大食代隔離開左個冰室，本人係一個極度鍾意食奶油豬既人，所以一知道呢到開左間冰室，就即刻即興約左個朋友放工之後一齊食。餐廳餐牌:餐牌野食有分早午餐下午茶，晚餐就主要睇大menu，野食選擇都唔小，好多飯餐面餐其實都幾吸引。奶油豬+炒蛋:呢間旺記冰室既奶油豬真係超級好味，烘到好脆一咬係有聲，薄薄既一層牛油再加好多練奶，真係好好味。炒蛋都炒得好滑，成件事係好正。蕃茄餐肉公仔面:蕃茄湯底真係超級濃，感覺好似用鮮茄咁(雖然明知道應該唔係)，餐肉外脆內軟，有d滯滯地，個人覺得下次可以試下其他，不過呢個都唔錯。油塘呢間旺記冰室感覺真係幾地道，成件事好快餐，黎得快走得快。