嚟到百利3點左右，已經見到好多人響外面等緊。電視嘅威力真係大。
攞咗張飛先發覺玻璃上貼上“沙翁，蝦多士，麵包，西餅，曲奇，烏冬已經賣完,明天請早”吓.....賣完......
沙翁，我為咗你專登坐車嚟搵你架 ToT
波子頭話冇沙翁都可以試吓其他嘢，好啦試吓其他嘢啦。不過，我最想食沙翁
，唔得下次早D嚟食先。
等咗大約半個鐘終於有位喇！
我叫熱狗餐， 波子頭叫咗茶餐。
熱狗個包脆脆的，好正。兩個湯粉嘅湯底並唔係普通湯底，係忌廉湯
之後聽到隔離個食客問，點解今日D沙翁同蝦多士咁快賣哂。個侍應話今日上午10點已經賣哂喇，D人一買就買半打。
吓10點....咁快賣哂。只可以話電視嘅威力真係大。
