✨ 主菜
🦪河內三鮮（生蠔，生蝦，滑雞）椰汁酸湯煲 ($168)
一上枱已經聞到好香椰汁味，加上醋嘅微微酸，粉絲吸曬湯汁精華，撈飯食一流！
生蠔肥美鮮甜，一啖咬落去爆汁，完全冇腥味；生蝦新鮮夠大隻；滑雞嫩滑得嚟又入味，三種食材夾埋一齊食，完全係鮮味盛宴，果然係皇牌菜！
🦑招牌原隻魷魚釀咖哩炒飯 ($138)
原隻魷魚釀滿咖哩炒飯，單單賣相已經滿分！
魷魚彈牙有咬口，炒飯粒粒分明，咖哩味香濃但唔會辣，加埋外層包裹嘅魷魚，層次感豐富，正！
🦐手工越式蝦餅 ($75)
蝦餅足足有8件咁多，外皮炸到金黃酥脆，入面蝦肉紮實又鮮甜，點埋個甜酸醬，真係食到停唔到口！
🍤越式炸脆脆蝦片
適逢越男仔8週年，店員姐姐每枱送左一盤蝦片，蝦片超級脆口，蝦味好出，仲唔會好油膩，抵讚！
✨飲品
🥥原隻椰青 ($45)
清甜解渴，椰肉嫩滑，飲完仲可以刮埋啲肉食，夠晒滿足！
🍍鮮菠蘿白雪 ($13)
菠蘿味好fresh，加埋椰汁甜度剛剛好，夏天必點！
埋單仲發現呢杯做緊優惠有半價，所以只需要13蚊！勁抵！
總結：呢間越南菜真心高質，食材新鮮，味道正宗，每樣菜式都有驚喜，一定會再encore！
17
