紫米茶餐廳 (已結業)

因為讀書關係，時常要夜晚晚係第一城搵野食醫肚，試過幾間開得較夜既餐廳，試到紫米呢間，都真係唔需再搵，味道係一流，同區來講係超哂班！

試過好多呢度既炒粉、麵、飯等，樣樣都大師傅水準，有大排檔的鑊氣，又有酒樓的買相。好似今日食既豉椒排骨炒麵，配料同排骨入味之餘，個炒麵係趣卟卟，正！

我朋友又叫左xo醬干炒牛河同豬扒炒公仔麵，精妙之處在於其香濃入味，而又一點都唔覺油膩，值得一試。最後，因為夜晚十時後，叫碟頭飯、炒麵等係有免費飲品，埋單每位$40左右，超值之選！