鳳城小食

营业中

休息中

呢一間位於灣仔街市中間嘅小店，見到之前都有好多人幫襯，甚至喺午飯嘅時候排隊，今日就決定入去試吓，餐廳主打係佢嘅招牌豬扒，不過今日就冇食到，揀咗佢嘅沙嗲牛🙈🙈 我就揀咗通粉，同埋另外加咗一條腸！沙嗲牛肉嘅味道非常香濃，而且食得出係餐廳自己炒嘅牛肉，而且份量嚟講，我覺得都算非常多，喺出邊食沙嗲牛肉通常只係得幾片，佢起碼有七至八件，呢一個價錢嚟講非常抵食🙈 可惜佢係冇套餐如果需要飲品嘅話係另外單點，通粉就冇乜特別，都係普通茶餐廳嘅質素，有機會嚟到會再試佢嘅豬扒，同埋其他包類嘅食物