上海麵家

突然想食鹹豆漿，但現在真是買少見少了，元朗好似得返呢度有得食？

六點半左右黎到，全店滿座，店很小很迫，大部份食客都習慣撘枱，等了一會有人結帳，順勢就走進去撘枱了。

先來一份蔥油餅，雖然係一早整好，但依然鬆軟滿蔥香，吃下亦沒有油膩感，好吃。

鹹豆漿幾足料喎，油條加蔥花仲有少量鹹菜加芝麻，仲有淡淡的豆香，過下口引實在不錯。

最後仲點左粢飯，微溫而且很多餡，鹹菜肉鬆加油條的配搭真的好棒，煙煙韌韌的糯米好有口感，好吃。

餐牌選擇很多，對面食客點的麵食十分大碗，勁吸引呀，下次來試試先。