影片
更多
2011-10-03
5 浏览
知道元朗近幾年開左好多新食市,又有不了獲得好評,身為半個元朗人的我一定要試下一間半間見呢間好多笑臉,就一於由CK Legend開始本身本人係唔會為食一餐寫食評,一來我唔係咩金舌頭,唔識食咩叫好咩叫差,食的落口就OK,二來我又唔係成日周圍食野,都無乜得多寫,但決定為CK Legend獻出第一次,因為實在太差,唔寫出黎難蝕我心中的一團火。首先我地一行4大1小,佢就比張4人檯都算啦,咁第5個人一定係迫埋第3邊架啦,點知個邊同幅牆既距離係夠一個人側身行入去入面個位倨條"啦"仔。我已經嘩左一聲出黎,點坐呀,雖然係一細唧,但行入去都難,好彩個細既可以抱,都算啦好啦,到落單,其中有一個係黑椒安格斯牛扒,有一個係安格斯漢堡扒.因係我係唔食黑椒,所以我一定係叫安格斯漢堡扒,叫時個個人仲問我幾成熟,我心諗原來真係pro架喎,漢堡扒都問幾成熟(因為本人真係食過d幾成熟既漢堡扒)叫完,黎左我一見到我心諗大鑊,原來安格斯漢堡扒都係黑椒的,原來係黑椒安格斯牛扒,心諗都算啦,食就食啦,但真係唔食辣既,一啖都好難食,所以叫佢換,點知佢既語氣仲好似話我地屈佢咁,佢無落錯單,可能以為我地玩佢,明明落單時問幾成熟時又唔講,
見呢間好多笑臉,就一於由CK Legend開始
本身本人係唔會為食一餐寫食評,一來我唔係咩金舌頭,唔識食咩叫好咩叫差,食的落口就OK,二來我又唔係成日周圍食野,都無乜得多寫,但決定為CK Legend獻出第一次,因為實在太差,唔寫出黎難蝕我心中的一團火。
首先我地一行4大1小,佢就比張4人檯都算啦,咁第5個人一定係迫埋第3邊架啦,點知個邊同幅牆既距離係夠一個人側身行入去入面個位倨條"啦"仔。我已經嘩左一聲出黎,點坐呀,雖然係一細唧,但行入去都難,好彩個細既可以抱,都算啦
好啦,到落單,其中有一個係黑椒安格斯牛扒,有一個係安格斯漢堡扒.因係我係唔食黑椒,所以我一定係叫安格斯漢堡扒,叫時個個人仲問我幾成熟,我心諗原來真係pro架喎,漢堡扒都問幾成熟(因為本人真係食過d幾成熟既漢堡扒)叫完,黎左我一見到我心諗大鑊,原來安格斯漢堡扒都係黑椒的,原來係黑椒安格斯牛扒,心諗都算啦,食就食啦,但真係唔食辣既,一啖都好難食,所以叫佢換,點知佢既語氣仲好似話我地屈佢咁,佢無落錯單,可能以為我地玩佢,明明落單時問幾成熟時又唔講,而家CUT左一舊仔出黎先講,我話我唔食黑椒,所以無可能叫錯同埋真係食唔到,點知佢同我講,我地可以幫你整走D汁,淋第二隻汁落去,唔係嘛,佢點整走呀,搵水洗下佢呀~我覺得唔係一間好既餐廳會咁整呀
安格斯漢堡扒終於到了,好咸,真係好咸,好多味精,食完要飲好多水,到話後3個鐘都好口渴
到叫野飲,叫完等到隔離位D野食都黎,我地既野飲仲未黎,問個侍應個侍應話唔見左張單要再落過,好啦都黎錯左,叫凍檸茶黎仲凍奶茶
總括間餐廳實在唔值咁多好評,唔知係唔係因為我係午市唔係晚市?但午市都咁差,仲點比我信心食既市,真係趕客咩
张贴