更多
2021-06-21
229 浏览
我有朋友真系好钟意打边炉,酷热天气晚上去咗呢间上环打边炉店,呢度汤底好有特色,有好多种新奇选择。今日就叫咗冬瓜水鸭煲,汤底嚟到即刻先饮几碗,觉得汤头非常之清甜透彻,陈皮味清香,冬瓜够清甜,加埋熬咗好耐嘅水鸭,汤水充满鸭嘅精华,味道浓郁又清甜,几适合炎热的夏季,消暑解腻。而且熬制鸭腿肉一咬就开,非常美味,份量大份,吃完都饱一半。配料叫咗个双拼丸有虾丸同带子丸,带子丸里面除咗一粒粒嘅带子肉仲有竹笙喺里面,食嘅时候口感特别爽脆,呢度嘅丸全部系自家制作,所以用料十足,新鲜又弹牙。鳝片够新鲜,肉质爽脆,油份够又无泥味呀。日本味增大根黑豚肉饺子,又系自家制饺子,入口味道清甜,味增加上大根,有另一番甜味。蔬菜拼盘有菜心,白菜,唐生菜及芥兰苗,两个人份量啱啱好,又可以试多几种菜。仲有自家制嘅乌冬,乌冬入口弹牙,口感滑捋捋,因为自家制嘅关系,店员特别吩渌5秒就可以即刻食。酱料除咗正常嘅酱料,仲有特别虾酱,系用咗虾子虾油虾头及虾膏去熬制,所以充满鲜味,个人觉得配合海鲜,味道就鲜上加鲜。
张贴