HABITŪ table (ELEMENTS圓方) (已結業)

因為成個商場嘅餐廳都爆滿，嚟到呢間門口冇人排隊就諗住試吓，佢其他分店食物都OK。一入到去坐底左5分鐵先有人得閑過嚟，落order嘅時候態度一般。落完order之後等左15分鐘都未有飲品，竟然係一個carbonara黎先⋯⋯⋯咁問佢攞杯水啦，再等10分鐘！！carbonara食晒都未有水到：唔緊要！咁我吹下啲飲品，搵其中一個男Staff，竟然話「全部都排緊單啦，全部都等緊架！」其實等耐小小都得，但員工嘅態度可唔可以好d？飲品到咗之後，真係激死！咖啡都仲算係OK ，但依杯Rose Cucumber Ginger真係難飲到爆，好似就咁浸左啲青瓜加水咁！佢仲要收我＄43一杯！！！成餐飯都好激氣，嘢食真係好一般，仲要咁嘅價錢食個lunch！四個人一啲都唔飽！！永遠唔會再幫襯依個集團其他分店⋯真係好失望啦，佢哋啱啱開嘅時候質素好好多。