影片
更多
2023-09-23
553 浏览
本身见到环境几好嘢食正常都好满意，但结果衰收尾，嬲到要出差评警世！ Openrice booking 19:30 , 成个openrice根本唔见有讲限时90分钟！最后check返系email有劲细只字写用餐时间90分钟。ok, 如果真系90分钟又其实无问题，最弊唔系呀嘛！ 一开始得一个人早到攞位，19:16就直接带我上1/F，完全无提过用餐时间入座起计90分钟，都无问我几点人齐，咁我自然唔觉得间餐厅系要快速食。 之后食食下加咗单，嘢食系20:07上齐，但20:22就出单叫我哋俾钱，呢个时候都系无人讲要我哋几点走架㖞！虽然未食完，仲带一杯完整嘅嘢饮未饮，但见佢出咗单就谂住埋咗前再继续食埋饮埋就走人。 点知俾完钱20:35就第一次俾人赶走，一嚟无唔好意思无唔该，净系一句有booking到咗就想叫我哋走，但我哋嘢都未食完… 问佢就话有限时90分钟，但一睇见到8点半左右先食咗1个钟….真心o晒咀！咁同佢讲等我哋食埋先啦…走咗第一个又嚟第二个女侍应催我哋交枱！真系烦到一个点！之后仲有第三个著蓝色裇衫，态度差到核爆嘅人走嚟赶
但结果衰收尾，嬲到要出差评警世！
Openrice booking 19:30 , 成个openrice根本唔见有讲限时90分钟！最后check返系email有劲细只字写用餐时间90分钟。ok, 如果真系90分钟又其实无问题，最弊唔系呀嘛！
一开始得一个人早到攞位，19:16就直接带我上1/F，完全无提过用餐时间入座起计90分钟，都无问我几点人齐，咁我自然唔觉得间餐厅系要快速食。
之后食食下加咗单，嘢食系20:07上齐，但20:22就出单叫我哋俾钱，呢个时候都系无人讲要我哋几点走架㖞！虽然未食完，仲带一杯完整嘅嘢饮未饮，但见佢出咗单就谂住埋咗前再继续食埋饮埋就走人。
点知俾完钱20:35就第一次俾人赶走，一嚟无唔好意思无唔该，净系一句有booking到咗就想叫我哋走，但我哋嘢都未食完… 问佢就话有限时90分钟，但一睇见到8点半左右先食咗1个钟….真心o晒咀！咁同佢讲等我哋食埋先啦…走咗第一个又嚟第二个女侍应催我哋交枱！真系烦到一个点！之后仲有第三个著蓝色裇衫，态度差到核爆嘅人走嚟赶我哋走！我哋讲完一大轮𠮶阵只系20:44，根本成个过程都未够90分钟就逼我哋交枱！
第三次交涉系最精彩：
一系我哋帮你哋转枱啦
下？其实你哋唔催我哋都就嚟食完架啦，咁点解有枱转俾我哋但无枱入新一枱客？佢哋系几多个人啊？
佢哋6个人
下？咁我哋5人枱点坐6个人？如果得嘅话点解你宜家张新枱俾唔到佢哋坐？你加张凳俾佢哋咪得！？？？
我哋无多余凳啊
咁点解隔离两枱7/8个人都早过我哋入，又唔见你哋见佢哋走？
佢哋有打电话嚟延时
咁即系你唔主动同我哋讲有限时，又唔主动问我哋需唔需要延时… （心谂你净系想做熟客就贴大纸报讲声啦！）觉得我哋好虾啲？将心比心，如果你系客遇到啲咁嘅服务咁嘅对待你o唔ok啊！？
我ok啊
（当时真系可以原地爆炸！宜家系作为消费者嘅我唔OK啊！我理得你！！！点会仲死撑唱反调！？？？）嬲到净系：下！？？
跟住就有个黑色衫肥佬出嚟话：算啦，由佢哋坐到9点啦！个肥佬态度又系差到好似系施舍俾我哋咁！？？？
问心，我去过咁多间餐厅，如果一早睇到系有限时，去到亦都有提示嘅话，其实一定会跟足，又或者你态度好友善咁样希望我哋配合，其实都会尽量配合，但呢间餐厅系全世界都西！所以真系不可一不必再！大家唔好俾啲KOL好评呃咗！以免中伏！
原本真系可以20:45前食完嘅，但佢哋态度恶劣到我哋决定坐足去到21:00走！因为佢哋所讲嘅有booking根本就系5个同佢哋有倾有讲有笑嘅女仔，一开始就系想大细超逼我哋让中间枱俾佢哋打卡，大话连篇！！！
建议想贴钱买难受嘅先至好去试！
张贴
