丼丼屋 (已結業)

半年有多无嚟，餐牌换咗，价钱加咗成倍。问服务员攞儿童餐牌，佢答：「有。」但就碌木咁企喺度。我问：「咁攞俾我吖？」咁先识郁。点菜时，我话：「两个儿童餐」，服务员：「只可以点一个儿童餐。」连唔好意思都无句。我点咗咖喱吉列猪扒饭，食物到后，食咗一啖，我同服务员讲：「唔该同我换过𠮶吖，超咸。」，服务员攞咗返厨房后同我讲：「厨房话个咖喱系咁味。」我话：「咁你叫佢检讨下啲厨术，咸到苦都话系咁？同我取消佢，我唔要啦！」我个大女要咗亲子丼，嚟到后亚女话：「啲蛋白完全生嘅！啲鸡肉有啲韧。」草草食完，埋单算数，食物质素唔值呢个价钱，两个丼加一个儿童餐，盛惠 $485。服务态度一毫子tips 都唔值。