影片
更多
2022-07-26
223 浏览
經OpenRice訂咗位，餐廳就WhatsApp我問我要唔要留花咲蟹，$1580一隻，我覺得價錢貴，平時Online自己買都係五六百蚊隻，所以冇要。我就訂咗個日本象拔蚌刺身$398和二人前既$1380海鮮會籍料理。去到餐廳，一開始經理又話已經冇象拔蚌，問我哋要唔要半打蠔$440，我明明已經訂咗象拔蚌，咁唯有轉，轉頭經理又過嚟話搞錯咗，係有象拔蚌，真係好混亂。首先食咗個沙律，然後有魚生，除咗我自己加錢嘅象拔蚌係新鮮之外，其餘魚生都係唔新鮮，好一般嘅質素。之後嚟嘅海鮮鍋更加係平平無奇，兩隻蝦，兩隻蠔，兩隻帶子，最離譜係有兩隻肌肉萎縮嘅蟹鉗，有一隻根本仲細嗰隻蝦，再加烏冬和配菜。全部質素都好一般，街市買都仲靚過佢。之後上咗條喜之次魚，唔可以話唔好食，但亦都唔係好好食，最後天婦羅，一口都係粉，用料都係好一般。基本上佢成個餐用嘅料都係好一般！但就兩個人食咗$2000。最後我問佢有冇甜品，佢就話叫我Menu自己再叫， $2000 個set連一個雪糕球或者草餅都冇。我都食過唔少高質日本菜，酒店或米芝連都有。咁低性價比都係第一次見。我哋揸車唔飲酒，我叫咗杯巨蜂提子梳打，首先個杯好細，二來杯汽水有一半都
去到餐廳，一開始經理又話已經冇象拔蚌，問我哋要唔要半打蠔$440，我明明已經訂咗象拔蚌，咁唯有轉，轉頭經理又過嚟話搞錯咗，係有象拔蚌，真係好混亂。
首先食咗個沙律，然後有魚生，除咗我自己加錢嘅象拔蚌係新鮮之外，其餘魚生都係唔新鮮，好一般嘅質素。之後嚟嘅海鮮鍋更加係平平無奇，兩隻蝦，兩隻蠔，兩隻帶子，最離譜係有兩隻肌肉萎縮嘅蟹鉗，有一隻根本仲細嗰隻蝦，再加烏冬和配菜。全部質素都好一般，街市買都仲靚過佢。
之後上咗條喜之次魚，唔可以話唔好食，但亦都唔係好好食，最後天婦羅，一口都係粉，用料都係好一般。基本上佢成個餐用嘅料都係好一般！但就兩個人食咗$2000。最後我問佢有冇甜品，佢就話叫我Menu自己再叫， $2000 個set連一個雪糕球或者草餅都冇。
我都食過唔少高質日本菜，酒店或米芝連都有。咁低性價比都係第一次見。我哋揸車唔飲酒，我叫咗杯巨蜂提子梳打，首先個杯好細，二來杯汽水有一半都係冰，根本就只得一半汽水係個杯度，半杯汽水$38。呢啲餐廳根本當食客係水魚，毫無誠意，搵笨至上，永不光顧。唔怪之得晚市得嗰幾台客，真係搵笨搵到上心口。
海鮮會籍料理
$2000
4 浏览
1 赞好
0 留言
张贴
