金寶泰國菜館 (已搬遷) 新店位置

尋晚去九龍城食泰國菜, 之前食過"金寶", 算不過不失, 不過聽人講話差左, 尋晚都再一試啦, 真的發現水準越來越差, 超差, 不能想像, 2個人晚餐叫咗以下食物：1. 咖哩炒蟹 - 蟹肉唔新鮮, 肉質"好梅好削", 全無鮮味, 亦無乜咖哩味, 只得甜味,令人失望既咖哩炒蟹 2. 馬拉盞炒通菜 – 見唔到有馬拉盞醬, 只見到蒜粒同辣椒粒, 又無蝦醬味, 個女伺應話佢地用既馬拉盞係甘架喇…..令人無話可說 3. 冬陰公 - 差至極既冬陰公, 完全無味, 無乜辣味, 又無咸味, 要問伺應儸鹽先飲到, 試問各位有無試過飲冬陰公要落鹽呢! 但又見到好多香料係裡面, 好奇怪, 總之, 係我試過最差最差既冬陰公, 不能再差 4. 蒜茸包 – 唔夠脆, 好似翻叮或者擺咗好耐 完全令人失望既泰國菜, 水準奇差, 不能想像, 只有碟炒菜合格, 金寶真係令人好失望 最離譜係佢地既老爺自動門會夾住人唔放, 伺應見到亦唔理會唔幫手, 小孩同老人家請小心!食物, 服務同環境都令人好失望!