Bugis@叻沙・海南雞飯

营业中

休息中

今次食咗依間餐廳。發覺星馬菜食來食去都係揀嗰幾味。係咪好傻?!海南雞飯配味精湯。雞都滑嘅。皮唔太厚食落都唔會油淋淋。都係配嗰啲醬啦。個油飯不錯。太陽蛋豬排椰漿飯。太陽蛋熟咗(期待流黃)。豬排太肥喇。好多膏。比較油膩。椰漿飯味道唔算濃。可以再重椰味啲個人set各配一個小食。揀咗雞串同炸蝦。串燒個沙嗲醬不錯。舊肉唔會乾晒。炸蝦都脆口炸粉唔算厚。配辣醬。ok。飲品揀咗檸檬薏米水同羅漢果茶。幾特別。味道都正路。夠健康。還好。所以係一間唔錯嘅食店。雖然食物唔係做到好標青。但味道也不差。如果要彈就係不過一坐低發現張枱濕到一個點無抹乾。