東記上海麵

营业中

休息中

講起大埔東記應該大部分人都諗起係大埔墟熟食中心個間東記上海麵，有日經過廣福道，發現開咗一間新嘅東記！興沖沖即刻同同事約落黎「嘗鮮」，係熟食中心個間東記就幫襯得多，唔知呢間新嘅有冇咩唔同呢？入到去冷氣好夠，座位之間都十分闊落，比起熟食中心多咗幾分舒適。食東記當然要食豬扒或者雞翼啦，我當時揀咗豬扒拼菜肉雲吞，講真係第一次食佢地炸物以外嘅嘢。一上檯即刻覺得好抵食，雲吞有成4粒，大大粒好飽滿，而豬扒一如既往，脆口外皮同結實嘅豬扒，啖啖肉夠哂滿足。