采悅軒

营业中

休息中

早一兩年前開始幫襯Four Points by Sheraton 既呢間中餐廳最喜歡其中佢地既酸菜魚湯，用東星斑煮出黎既湯鮮味且酸辣得宜，東星斑魚肉有彈性又不會太老。但最近幾次到訪，已經向侍應落order既時候說明想要小辣，可惜出黎水準參差，可以辣到退比廚房，大廚試味之後都話太辣要煮過。重新上菜之後魚湯雖然無咁辣，但酸味同鮮味都驟降，明顯只是溝淡左另外叫過既菜式有蟹王燕窩羹、薯仔牛尾、燒乳鴿、鮑魚海鮮燴飯其實都ok，味道都算consistent。乳鴿燒得香口，另燕窩羹都煮得唔錯。但始終係Sheraton酒店中餐廳，期望服務同埋食物質素都要保持穩定水準，如果唔係都較難吸引人遠赴東涌幫襯。