丼丼屋 (綠楊坊) (已結業)

丼丼屋好似已經多年冇食，曾經試過親子丼飯，覺得幾好食，闊別多年今次試下新野先。點了每日限定20份的天婦羅餅烏冬，友人點了大大塊北海道豬肩肉飯。未到繁忙晚餐時間，點餐後，5分鐘就上菜了。$98再加$15 轉成套餐，套餐包括沙律，一小碟前菜同麵鼓湯。沙律應該係凱薩沙律，麵包好脆卜卜，前菜有酸酸地的青瓜，都幾開胃，天婦羅餅好大塊，有蟹棒，蘆筍，菇，茄子，三文魚等等大雜錦炸成一大塊餅。好脆，太熱氣須要浸一浸去烏冬湯底。烏冬彈牙，幾好味，由於天婦羅餅好大塊，所以好飽。豬肩肉丼飯方面，豬肉都算有咬口，味道就一般般，沒有特別。其實非繁忙時間食可以當係高檔日式快餐店食，如要等位就不了。