影片
更多
2018-08-15
125 浏览
有位外國膠層每次黎到香港都一定要食傳統中菜！佢話佢之所以咁迷戀，唔單止因為味道，更加係因為中菜係用料、烹調方法以至排場都十分講究。今日我就帶咗公司的呢位大大大老闆去到位於中環的高級中菜廳 — 中華匯館，滿足下佢期待以久的味蕾。無論係大門、裝飾以至餐具都係有好優雅精緻，由踏入餐廳第一步起就有一種VIP的感覺。由於可以claim公數，前前後後叫咗7道菜，實行一邊食好西，一邊湊老闆。以下係重點推介：🔹第一碟打頭陣就係三款各具特色的頭盤。涼拌海蜇頭爽口開胃；鹿兒島縣茶美豚叉燒就肥瘦均勻，極度滋味；金脆豆腐就外脆內軟。水準極高嘅一道頭盤。🔹接住就係杏汁燉白肺湯。杏汁同豬肺嘅味十分平均，唔會比杏汁搶曬味。加上，豬肺食落口好軟滑！可以補一補，感覺好養生。🔹西施牛尾- 除咗牛尾燜得好香好軟身之外，配上紅酒汁後味道更加豐富，餸白飯一流。🔹潮蓮燒鵝 - 依碟係我全晚印象最深刻的一道菜！燒鵝燒得皮脆肉嫩，加埋燒鵝汁真係好正。膠層一試難忘，食到jap jap聲。🔹金貝雞米炒粉絲 - 炒絲本身炒得乾身香口，加埋蛋白絲、瑤柱絲同埋銀芽絲炒到金黃色咁，賣相十分吸引。整體黎講，餐廳食物同服務都好高質，好適合用黎見客或
無論係大門、裝飾以至餐具都係有好優雅精緻，由踏入餐廳第一步起就有一種VIP的感覺。由於可以claim公數，前前後後叫咗7道菜，實行一邊食好西，一邊湊老闆。以下係重點推介：
🔹第一碟打頭陣就係三款各具特色的頭盤。涼拌海蜇頭爽口開胃；鹿兒島縣茶美豚叉燒就肥瘦均勻，極度滋味；金脆豆腐就外脆內軟。水準極高嘅一道頭盤。
🔹接住就係杏汁燉白肺湯。杏汁同豬肺嘅味十分平均，唔會比杏汁搶曬味。加上，豬肺食落口好軟滑！可以補一補，感覺好養生。
🔹西施牛尾- 除咗牛尾燜得好香好軟身之外，配上紅酒汁後味道更加豐富，餸白飯一流。
🔹潮蓮燒鵝 - 依碟係我全晚印象最深刻的一道菜！燒鵝燒得皮脆肉嫩，加埋燒鵝汁真係好正。膠層一試難忘，食到jap jap聲。
🔹金貝雞米炒粉絲 - 炒絲本身炒得乾身香口，加埋蛋白絲、瑤柱絲同埋銀芽絲炒到金黃色咁，賣相十分吸引。
整體黎講，餐廳食物同服務都好高質，好適合用黎見客或者係重要聚會。
张贴
