北海道活壽司

朋友介紹話好味道,推介一試。
唉,早知上黎openrice一望,就唔會去啦,慘。

北寄貝:叫做最好味,夠爽。
三文魚:無特別。
蟹籽:無特別
三色刺身-三文魚(無特別),甜蝦(無特別),魷魚(好難食,好似食漿糊咁)
腐皮:真係連腐皮咁普通都係好得,入面d飯有d咸。
吉烈蠔卷:蠔無味,又唔脆,成舊得d蔥有味。失敗
**牛油果三文魚卷:真係毫無誠意傑作之一,一上碟見到成pat野,如下面人兄圖片,真係唔想食。d飯又散,都唔知點食,好差!
**蟹子沙律:毫無誠意傑作之二,超級多沙律醬。我個人咁鐘意沙律醬都覺得佢過份,仲要出晒水。最抵死係個沙律一d都唔凍囉~都唔知擺左幾耐咁,差差差!
炸蜜糖蕃薯:普通,有d太甜。

坐咁耐都無人加過水。唉。
二人食左150蚊,未飽,但唔想再食落去,點解比咁既錢要食d咁質素既野。食物質素同去百佳買壽司無分別,都唔明點解咁多人排隊。