嘉年華火鍋酒家 (已結業)

星期日同媽媽去左良景邨飲茶,我地2點幾去到,酒樓未滿,唔使等位,不過就一張枱撘左四個FAMILY囉,仲要係細枱,感覺已經唔係好好,睇下有咩食先,點心唔算好平,不過有一張係下午茶特價的點心就OK抵食呀,我地點左一籠潮州粉果,一籠蝦餃,一碟炒銀針粉,一碟牛肉腸粉,本來係叫左一碗碗仔翅的,不過賣晒.食物上茶速度好快,先嚟係炒銀針粉,味道都OK,唔算好大碟,但係都有一些配料的,炒得OK乾身,幾好味呀,之後係牛肉腸粉,媽媽話好味,牛肉唔係好多,不過腸粉都好淋好滑,GOOD.之後等左一陣就係蒸點啦,潮州粉果及蝦餃,潮州粉果係我既至愛,雖然個皮好似厚左少少,不過好味喎,入面既配料都好爽口及唔會好油唔會好淋身呀,蝦餃有四料,都幾大粒架,入面都有幾隻蝦,同埋少少好似葛既粒粒,好爽口,好味呀!!我地坐左一陣就開始多人呀,整體服務都OK,快手,上菜速度好快,價錢係抵食的.