影片
更多
2011-07-18
212 浏览
想揾一间好D 嘅中菜请老师食生日饭, 问过好多人, 有朋友介绍话佢公司楼下有间中菜食午饭好鬼多人,要订枱先有位, 好似好好食咁。心念应该都唔平, 不过喺得中环地区质素都应该有返咁上下。所以就问左个电话打去睇睇乜料先。 问完又觉得OK㖞! 就胆粗粗去试吓先!!! 订左枱一行7人去到, 唔使等就有位, 之前问佢想要间房佢都比我, 心念又几好㖞! 上次试过喺第2间食市,死都唔比间房我, 话我小人数, 唔肯比我。 首先头盆："桂花西红柿", 我老师话好好食,好清新嘅感觉,我都几钟意,下次有机会都想再食, 佢地话系新菜式㖞! 原来西红柿系蕃茄黎嫁,又学多样嘢! 前菜仲有 青瓜 同埋 冰镇露荀, 青瓜都OK, 但系露荀就真系麻麻地,话冰镇但系又唔够冻,冻D就好喇。 个朋友叫我一定要试吓个"蜜汁义烧", 佢话好出名, 所以叫左黎食, 又真系几好食㖞! 好"林"好多汁又唔系好肥。 跟住系个"海底椰向螺炖瘦肉汤", 个汤都几浓味,分完7个人之后仲可以再添几碗, 海底椰同向螺都几足料, 仲谂住佢会偷功减料添!不过D瘦肉就真系麻麻地,唔得好食啰!
想揾一间好D 嘅中菜请老师食生日饭, 问过好多人, 有朋友介绍话佢公司楼下有间中菜食午饭好鬼多人,要订枱先有位,
好似好好食咁。心念应该都唔平, 不过喺得中环地区质素都应该有返咁上下。所以就问左个电话打去睇睇乜料先。
问完又觉得OK㖞! 就胆粗粗去试吓先!!!
订左枱一行7人去到, 唔使等就有位, 之前问佢想要间房佢都比我, 心念又几好㖞! 上次试过喺第2间食市,死都唔比间房我,
话我小人数, 唔肯比我。
首先头盆："桂花西红柿", 我老师话好好食,好清新嘅感觉,我都几钟意,下次有机会都想再食, 佢地话系新菜式㖞!
原来西红柿系蕃茄黎嫁,又学多样嘢!
前菜仲有 青瓜 同埋 冰镇露荀, 青瓜都OK, 但系露荀就真系麻麻地,话冰镇但系又唔够冻,冻D就好喇。
个朋友叫我一定要试吓个"蜜汁义烧", 佢话好出名, 所以叫左黎食, 又真系几好食㖞! 好"林"好多汁又唔系好肥。
跟住系个"海底椰向螺炖瘦肉汤", 个汤都几浓味,分完7个人之后仲可以再添几碗, 海底椰同向螺都几足料,
仲谂住佢会偷功减料添!不过D瘦肉就真系麻麻地,唔得好食啰!
我觉得最好食就系"滑豆腐花原条东星斑", 条鱼同埋豆腐花好滑好好食,不过D "砚"汁就多左少少, 小番D 就好喇。
"宫廷富贵鸡"上枱个卖相都几得意, 用锡纸包往成只鸡, 比我地睇完后就有待应拆开佢, 三两吓手就分得好碎,
鸡入面让左其食材落去,不过唔记得系乜鬼黎,都OK好食。
之后仲有"鱼汤翡翠苗"(个汤几清,菜都OK!) "素粉果"(普通左D!), "蛋散"(好脆,好松化),
"西瓜波波爽"(略嫌甜左D,不过有小小惊喜系,有一粒粒桂花糕喺入面,好食ar!)
总括黎讲都几好食,我老师同埋D同学都好满意,话下次搅庆功宴都可以考虑黎"翠亨邨", 好彩佢地话满意,做搅手都好大压力嫁,
周围揾地方食饭, 好彩冇黎错地方,呵呵呵!!!
我哋7个人 围起上黎唔计请老师每人$300.-蚊倒, 我觉得都好合理。
张贴
