Subway (已結業)

呢頭附近都幾多類似既食店，見倒呢間仲有位剩就揀呢間，呢度差唔多乜野都可以自己揀，包+配菜+醬汁，叫o左個日式洋蔥燒雞肉，包我就要o左意大利奶絡包，配菜就要我最喜歡既蕃茄同埋酸瓜，再加兩塊芝士，醬汁就有好多種但好多都唔知係乜黎所以就咁要茄汁就算了。d燒雞肉係整好o左用微波爐返熱，呢樣我覺得有點兒..... 不過食落又幾正，仲都好多肉汁，呢個包就三十一蚊，加多十三蚊可以有薯片(真係薯片唔係薯條)同飲品，不過唔係咁飽所以無加，雖然整體黎講只係一般，但係見倒原來仲有意大利薄餅，我好有興趣再黎試下。順便講埋，呢度幫襯既客九成都係黑人黎。