嚐味喇沙 (已結業)

初初以為佢快餐，冇乜驚喜啦，抱住一試無妨嘅心態就入咗去。啲野食出到嚟，又幾正喎，豬頸肉食落好爽口，甜甜地，食完一舊又想食一舊、生菜包甜甜地辣辣地，肉碎俾好多，一啲都唔孤寒，食到流晒汁好好食，喇沙湯底好濃郁，幾乎成個湯底都比我飲晒，拉麵爽彈！ 叫左雞肉串燒，出到黎，係熱辣辣香噴噴，沙嗲醬唔會過鹹！！價錢係沙田黎講，算抵食，你知啦，新城市廣場的餐廳唔係人人食得起，尤其是我呢啲學生哥，所以呢間餐廳我會再光顧，值得推介！