大家樂 (駱克道)

营业中

休息中

又係番工嘅朝頭早，我好似隻喪屍登上「屍殺列車」（港鐵），往灣仔站進發。我每一朝早都要食番個大家樂早餐，先至可以變番個正常人，然後喺辦公室拼搏。今日都唔例外，我一到咗灣仔，就以9秒9嘅速度飛奔到大家樂買我至喜愛嘅「超值之選」，只係$25，簡直係抗通脹嘅好選擇。「超值之選」中，我揀咗J4。首先，我食炸菜肉絲湯米粉。可能有d大胃王會覺得份量太細。但對於我黎講，就啱啱夠飽肚。然後，仲有份「大記」腿蛋治。三文治裡頭嘅係超滑超creamy嘅炒蛋。最後，嘆埋杯凍檸茶，我即刻由喪師變埋個正常人。醒晨哂，開工！