伴糖水 (已結業)

今日路過佐敦，見到新開左一間糖水外賣舖，店員主打每日新鮮製造糖水。糖水種類10幾款，仲有一些小食。今次試左桃膠紅棗桂圓（$48）同紅豆沙（$48）桃膠紅棗桂圓清潤靜心美容養顏、潤肺止咳，味道清潤清甜，一碗糖水有成四五粒紅棗同桂圓！仲有桃膠，夠晒足料紅豆沙係叫俾老媽食🤣🤣店員話紅豆沙係用了20年以上的陳皮熬製，粒粒紅豆，甜度啱啱好，推介推介！下午茶時間仲加咗咖喱三寶（有魚蛋、豬皮、魷魚）同馬來西亞咖央多士👍👍店員同老闆都好親切，十分推薦！