影片
更多
2024-05-05
110 浏览
嚟紧五月份就到母亲节，大家又会点庆祝。我屋企由细到大对任何节日，不论系做冬团年定系父亲节母亲节都冇特别去庆祝／齐人食餐饭，直到今年成为新手妈妈就想好好孝敬自己妈咪，近日睇到网上好多人介绍依度，虽然今朝仲落紧大雨但难得夹到时间就算的士来回都想带妈妈去行下。乡郊地方一落车就有蚊，好彩有准备如果唔系我地都未食饱已经成为佢地既大餐啦，如果唔系搭的士过黎，就需要系荃湾转小巴，但连续落咁多日大雨又行雷想食餐好又唔狼狈都系使多少少钱好过啦唔知大家有冇去过旧茶楼，依种茶楼大多都系自助形式既，出面有d个地下仲系油笠笠行起黎劲线，依度既厨房系开放式望落都干净冇乜油烟，中意食乜自己攞。我去饮茶通常都会叫可乐，一来未到识茗茶既年龄，二来成日觉得饮可乐配点心最配，冇谂到依度竟然提供玻璃瓶装可乐，饮起黎更爽更有汽。我妈就中意点心配辣椒酱沾黎食，攞左两份鲮鱼肉酿既野，茄子出奇地唔油腻再加上厚厚一层既鲮鱼肉食落好满足，而尖椒带点微辣不是我杯茶。因为依度既鲮鱼肉菜式实在出色，又拎多左碟鲮鱼球，有鱼肉香味之余又够弹牙，依家就算系街市都未必买得岩心水既鲮鱼肉。炸豆腐外脆肉软又系最夹可乐既小食点心虽然唔系试左好多款，但有鹌鹑
乡郊地方一落车就有蚊，好彩有准备如果唔系我地都未食饱已经成为佢地既大餐啦，如果唔系搭的士过黎，就需要系荃湾转小巴，但连续落咁多日大雨又行雷想食餐好又唔狼狈都系使多少少钱好过啦
唔知大家有冇去过旧茶楼，依种茶楼大多都系自助形式既，出面有d个地下仲系油笠笠行起黎劲线，依度既厨房系开放式望落都干净冇乜油烟，中意食乜自己攞。
我去饮茶通常都会叫可乐，一来未到识茗茶既年龄，二来成日觉得饮可乐配点心最配，冇谂到依度竟然提供玻璃瓶装可乐，饮起黎更爽更有汽。我妈就中意点心配辣椒酱沾黎食，攞左两份鲮鱼肉酿既野，茄子出奇地唔油腻再加上厚厚一层既鲮鱼肉食落好满足，而尖椒带点微辣不是我杯茶。
因为依度既鲮鱼肉菜式实在出色，又拎多左碟鲮鱼球，有鱼肉香味之余又够弹牙，依家就算系街市都未必买得岩心水既鲮鱼肉。炸豆腐外脆肉软又系最夹可乐既小食
点心虽然唔系试左好多款，但有鹌鹑蛋系上面既烧卖做得唔错，肉馅扎实肉香鲜甜。肠粉即制层皮好滑嘟嘟，有微微既米香。仲食左豆腐花标榜系用山水黎整既，唔知系咪因为咁的确系几滑既，但我就唔识分了。
今日依个行程妈咪都几满意，平时揪住bb留系屋企多，出去乡村行下望下大自然，个人都舒服d，母亲节正日睇下先生到时俾咩惊喜我先
张贴
